Kokasan Tayaya Zaka Samu Kudi Da Tsarin Inksnation

Barka da zuwa shafin Arewa Talent a wannan lokaci Insha Allahu zamu fadamuku gameda wani tsari da yake ta zagaye a wannan kasa tamu lungu da sako musamman a jihohin mu na Arewa, a inda zakaga mutane sunyi dafifi ko sunyi kawanya a shagunan masu kafe (Cafe) da zummar ayi musu wannan ta rijista ta InksNation.

InksNation - One United Global Family

A inda zaka biya naira dubu daya da dari bakwai N1700 kudin rijista sannan kuma bayan kammala rijista ta InksNation saika koma gefe kana daga gida a kwance ba aikin fari bare na baki saika dinga kwasar kudi duk karshen wata ko sati-sati, sannan za’a baka katin shaida na plastic mai dauke da hotanka da wasu lambobi akansa, wanda akace zaka iya cire kudi dashi AMMA FA AKULA domin shi wannan kati da za’a baka bashi da alamar da zaka iya sanya shi cikin injin bayar da kudi wato (ATM MACHINE) kuma shi wannan tsari na InksNation ba wanda yaga takardar su ta shaida ko ta sahalewa daga babban bankin kasa wato Central Bank of Nigeria (CBN).

Sannan InksNation baya da wata alaka da bankunan kasar nan dan haka Arewa Talent tana shawartar wadanda suke da sha’awar shiga wannan tsari na InksNation dasuyi duba sannan su buncika kuma suyi nazari kafin suyi rijista da wannan tsari na InksNation muna fata jama’a zasu tattare hankulansu waje daya domin tantance aya da tsakuwa.

Daga Mustapha Salisu masanin hada-hadar kudi na yau da kullum.